'गणराज्यया सीमांकनय् बिचाः यायेफु'
येँ (सन्ध्या टाइम्स)/सरकारय् दुथ्याःगु नापं थीथी दलया ब्यापक विरोधया दथुइ नं थीथी गणराज्यत घोषणा यानाच्वंगु एनेकपा (माओवादी)या सचिव सीपी गजुरेल 'गौरबं' गणराज्यया सिमाङ्कनयात कयाः हाकनं बिचाः यायेत थःपिं तयार दुगु खँ धयादीगु दु ।
वय्कलं नेपालगंजय् क्रान्तिकारी पत्रकार संघया छगू ज्याझ्वलय् न्ववायेगु झ्वलय् ब्यागलं ब्यागलं राष्ट्रियता व ऐतिहासिक तथ्यया आधारय् गणराज्यत घोषणा यानागु दावी यासें थःपिनिगु पार्टीं आःया निंतिं देय् व जनतायात ल्वयेक झिंन्यागू गणराज्य घोषणा यायेत्यनागु जानकारी नं बियादिल ।
थुपिं गणराज्ययात यदि सुना नं वैज्ञानिक कथं सिमाङ्कन यात धाःसा थःपिंसं यानागु गणराज्यया सिमाङ्कनयात हाकनं बिचाः यायेफुगु खँ वय्कलं कनादीगु खः। गणराज्यत घोषणा यानागु धइगु लिउने लानाच्वंगु जाति व समुदायात न्ह्यःने हयेगु व समानताया निंतिं खः धकाः नं वय्कलं धयादिल ।
