मिस टिनया मिस्त ल्यल
येँ (सन्ध्या टाइम्स)/ श्री रिद्धसिद्धि मिस टिन ०६६ या अडिसन क्वचाल। अडिसनया निंतिं १३३ म्ह टिनएजरत दुनें १९ म्ह फाइनलया निंतिं ल्यःगु खः। मुभि हाउसया ग्वसालय् जुइगु उगु ज्याझ्वलय् २८ म्ह टिनएजरतय्त फाइनलय् धेंधेंबल्लाः याकी ।
ग्वसाः खलकं स्वनिगः लगायत पोखरा व धरानं यानाः गुम्ह मिसा ल्यःगु दु। कोरियोग्राफर रोजिन शाक्य, मधुरिमा नेपालया प्रदिप बमजन, फुड एण्ड वाइन म्यागेजिनया डली खनाल व सुरेश के.सीं. येँय् ब्वति काःपिनि अडिसन याःगु खः ।
मिस टिन ०६६ या फाइनल थ्वहे वइगु पुस २५ गते आर्मी अफिसर्स क्लब भद्रकालीइ जुइ। अले उकिया लागि ग्रुभिंग, क्याटवाक, मिडिया व मेमेगु ट्रेनिंग जुयाच्वंगु दु। मिस टिन जुइम्हेसित छगू लाख तका सिरपा बीगु जुइ ।
