प्रधानसेनापति गुरुङयात भारतीय सेनाया मानार्थ प्रमुखया सम्मान

भारतं प्रधानसेनापति छत्रमानिसंह गुरुङयात मानार्थ स्थल सेना प्रमुखया सम्मान लःल्हाःगु दु ।

भारतया राजधानी न्हू दिल्लीइ च्वंगु राष्ट्रपति भवनय् सोमवाः सनिलय् जूगु छगू विशेष ज्याझ्वःया दथुइ भारतीय राष्ट्रपति प्रतिभा पाटिलं महारथी छत्रमानिसंह गुरुङयात खड्ग व सैनिक क्याप बियाः मानार्थ सेना प्रमुखया सम्मान बियादीगु खः ।

मानार्थ प्रमुख पाखें सम्मानित जुइवं प्रधानसेनापति गुरुङं भारतीया स्वंगुलिं सेना जल, स्थल व हवाई सेनाया प्रमुखत नापलानाः नेपाःया सैन्य व राजनीतिक अवस्था बारे सहलह यानादीगु खः ।

वंगु खुइदँ न्ह्यः निसें नेपाः व भारतया सैनिक प्रमुखत दथुइ छगूलिं मेगू देया सेनया मानार्थ प्रमुख दयेकीगु परम्परा दु ।