थौं शीर्ष बैठक
येँ (सन्ध्या टाइम्स)/म्हिगः सहमति जूगु मंकाः संकल्प प्रस्तावयात अन्तिम रुप बीत थौं सनिलय् स्वंगू दलया शिर्षस्थ नेतातय् बैठक च्वनेत्यंगु दु। नेतातय्सं उकियात अनुमोदन जक याःसां गाइ कथं मस्यौदा तयार यायेत कार्यदलया दुजःतय्सं धाःसा थौं सुथंनिसें कुतः यानाच्वंगु दु ।
थौंया बैठक नेकां सभापति गिरिजाप्रसाद कोइरालाया छेँ महाराजगंजय् च्वनेगु धाःसा बैठकया ई धाःसा सोलुखुम्बु वनाच्वंम्ह माओवादी अध्यक्ष प्रचण्ड येँय् लिहां वयेधुंकाः जक क्वःछीगु खँ धाःगु दु ।
