लखनउलय् नेपाः राष्ट्रिय पार्टीया ज्यापौ
येँ (सन्ध्या टाइम्स)/भारतया लखनउ शहरय् जुयाच्वंगु विश्वन्यंकंया प्रधानन्यायाधीशतय् झिक्वःगु अन्तर्राष्ट्रिय सम्मेलनय् नेपाः राष्ट्रिय पार्टीया नायः डा. केशवमान शाक्यं 'संविधानय् आदिवासी जनजातिया अधिकार' विषयक ज्यापौ न्ह्यब्वयादिल। लिसें कन्सर्न नेपालया निर्देशक विजय सैंजुं 'बालश्रमय् वयाच्वंगु हाथ्या व समाधान' विषयक ज्यापौ न्ह्यब्वयादिल ।
सम्मेलनय् वय्कःपिं नापं न्हय्म्ह नेपाली प्रतिनिधितय्सं ब्वति कयाच्वंगु दु। उकी ७८ देय्या ४५० म्ह प्रतिनिधित उपस्थित जुयाच्वंगु खः ।
ज्याझ्वःया उलेज्या म्हीग लखनउ अदालतया प्रधानन्यायाधीश अहमद कुरैशीं यानादीगु खः ।
