प्रम कोपनहेगनय्
येँ (सन्ध्या टाइम्स)/ प्रधानमन्त्री माधव नेपाल ४२ म्ह नेपाःमिया पुचः ज्वनाः थौं डेनमार्कया कोपनहेगन झायेत्यंगु दु। जलवायु परिवर्तन सम्बन्धि सम्मेलनय् ब्वति कायेत वय्कः उखे झायेत्यंगु खः। वय्कलं पुस १ गते सम्मेलनय् संवोधन यानादी ।
कोपनहेगनय् प्रधानमन्त्री नापनापं वय्कःया जहान गायत्री नेपाल, प्रमया सल्लाहकार रघुजी पन्त, परराष्ट्र सल्लाहकार राजन भट्टराई, मुख्य सचिव माधव घिमिरे नापं थीथी दलया नेता व सभासद्पिं नं दुथ्याः ।
