सुथय् प्रचण्ड-माधव वार्ता
प्रतिपक्षी पार्टी नेकां माओवादीयात याकःचा लाकेगु लागिं मेगु २४ गू पार्टीलिसे वार्ता यायेगु धकाः घोषणा
यायेवं थौं प्रधानमन्त्री पुष्पकमल दाहाल प्रचण्डं एमालेया पुलांम्ह महासचिव माधव नेपालयात नापलानाः खँल्हाबल्हा ब्याकादीगु दु । वालुवाटारय् जूगु निम्ह नेताया वार्ताय् प्रम प्रचण्डं सरकार व दलतय् दथुइ जूगु
सहमति कार्यान्वयन यायेगु प्रतिवद्धता प्वंकादीगु खः ।
वार्ताया झ्वलय् प्रम प्रचण्डं संविधानदयेकेगु मूल समितिया सभापति जुइत व उच्चस्तरीय राजनीतिक संयन्त्रया संयोजक जुइत नं भाजु नेपालयात इनाप यानादीगु खः ।
उकिया लिसलय् भाजु नेपालं थ्व थःगु सिबें नं पार्टीया विषय जूगुलिं पार्टीलिसे हे सल्लाह यायेमाली धयादिल । वय्कःपिनि दथुइ वर्तमान राजनीतिक अवस्था नापं कांग्रेस व सरकार दथुइ ब्वलनाच्वंगु असमझदारी बारे नं सहलह जूगु खः ।
एमालेयात थौं कांग्रेसं नं नापलानाः खँल्हाबल्हा याइगु ज्याझ्वः दु ।
