माहाँकाल रनिंग शिल्ड चेस कासा
येँ (सन्ध्या टाइम्स)/ श्री माहाँकाल मा. वि.(माहाबौद्ध) या ग्वसालग् थ्वहे वइगु पुस १२ गते निसें १४ गते तक प्यक्वःगु स्वनिगःव्यापी माहाँकाल रनिंग शिल्ड चेस धेंधेंबल्लाः कासा न्ह्याकेत्यंगु दु। स्वनिगःया थीथी मा.वि. या खुगू तगिंनिसें झिगू तगिं तकया सच्छिम्ह विद्यार्थीतय्सं ब्वति काइगु काइगु उगु धेंधेंबल्लाः कासाय् झिगू स्थान तक वःपिंत ट्रफि बीगु जुइ। न्हाप लाःम्हेसित माहाकाल रनिंग शिल्ड व २५०० तका दां, लिउयात १५०० तका दां, लियांलिउ यात १००० तका बीगु जुइ। नापं उत्कृष्ट छात्रायात नं ट्रफि बीगु जुइ ।
अथेहे ब्वति काइपिंसं थ्वहे वइगु पुष ८ गते तक नां दुथ्याकेत स्वनिगःया थीथी मा.वि. स्कूलयात ग्वसा खलनं इनाप यानाच्वंगु दु ।
