रोहितपाखें थः हे विद्यार्थी कार्यकर्तातय्त हन
ख्वप (सन्ध्या टाइम्स)/नेपाल मजदुर किसान पार्टीया केन्द्रीय अध्यक्ष नारायणमान बिजुक्छेँ रोहितं थःगु पार्टीया वर्गीय संगठन नेपाल क्रान्तिकारी विद्यार्थी संघया विकास व विस्तारय् सक्रिय योगदान यानादीपिं पुलांपिं कार्यकर्तातय्त हनेज्या यानादिल। शनिवाः सल्लाघारीइ जूगु गुँभ्वय् ज्याझ्वलय् वय्कलं पुलांपिं नेक्राविसंघया अध्यक्ष व पदाधिकारीतय्त हनेज्या यानादीगु खः। २०३१ साल माघ १० गते स्थापना जूगु नेमकिपां २०२६ सालय् हे स्थापना जुइधुंकूगु नेक्रावि संघयात थःगु वर्गीय संगठन कथं नालाः उकिया पदाधिकारीतय्त हनेज्या याःगु खः ।
