मातृकां माओवादी त्वःतेफु
पुलांम्ह मन्त्री व माओवादीया केन्द्रीय दुजः मातृका यादवं यिद माओवादीं तराईया जनतायात बिउगु बचं पूमवंकल धाःसा थः हानं सशस्त्र संघर्षया लँपुइ लिहां वनेगु खँ धयादीगु दु ।
थौं महोत्तरीइ क्रान्तिकारी पत्रकार संघया पदाधिकारीतलिसे खँ ल्हासें वय्कलं थ्व खँ धयादीगु खः ।
तराईया गरीब जनतां कब्जाय् कयातःगु छेँबुँ लितबीगु खँ जुइ मखु धासें थ्व लित बीगु खँ ल्हानाः प्रचण्डं नं गल्ती यानाच्वंगु द्वपं वय्कलं बियादिल । लिसें अर्थ मन्त्री डा। बाबुराम भट्टराईया नं आलोचना यासें वय्कलं धयादिल 'गरीबतय् निंतिं ज्या यायेगु धायेगु तर गरीब किसानतय्त हे ऋण बी मखु धायेगु धइगु सामन्तवादी बिचाः खः ।'
वय्कलं डा. भट्टराईयात सामन्तवादया प्रतिकतकं धयादिल ।
सरकारयात जनताया पक्षय् ज्या याके मबीगु लािगं थौंकन्हय् विदेशीत व खास यानाः भारतं चलखेल याना
च्वंगु द्वपं बिसें अज्याःगु दवावय् माओवादीया नेतात लानाच्वंगु खँ नं कनादिल ।
यदि थम्हं बियागु सुझाव पार्टीं मन्यन धाःसा थः माओवादी त्वःताः पिहां वयेफुगु ख्याच्वः नं वय्कलं
बियादिल ।
