प्रधानमन्त्री नेपाल कोपनहेगन प्रस्थान
डेनमार्कय् जुयाच्वंगु राष्ट्रसंघीय जलवायु परिवर्तन सम्बन्धी शिखर सम्मेलनय् ब्वति कायेत प्रधानमन्त्री माधवकुमार नेपाल सोमवाः कोपनहेगन प्रस्थान यानादीगु दु ।
न्हिनय् निताः ईलय् थाइ एयरवेयजया विमान पाखें उखे पाखे वने न्ह्यः प्रधानमन्त्री नेपालं सम्मेलनय् थम्हं जालवायु परिवर्तनं विकाशशील राष्ट्रय् लाःगु प्रभाव बारे विश्वया ध्यानकर्षण याकीगु धयादिल ।
प्रधानमन्त्री नेपालं बुधवाः शिखर सम्मेलनय् सम्बोधन यानादीगु ज्याझ्वः दु । भ्रमण पुचलय् प्रधानमन्त्री नापं वयेकया जाहान गायत्री नेपाल, प्रधानमन्त्रीया सल्लहाकारत रघुजी पन्त, राजन भट्टराई, विष्णु रिजाल, विज्ञान व प्रविधि राज्यमन्त्री इन्द्रप्रसाद ढुंगेल, च्याम्ह सभासद्, गुम्ह पत्रकार, मुख्य सचिव, परराष्ट्र मन्त्रलयया अधिकारी व निम्ह अंगरक्षक नापं मुक्कं स्वीच्याम्ह उखे पाखे वंगु दु ।
प्रधानमन्त्री नेपाला विधाइया निंतिं सभामुख सुवाष नेम्वाङ, मन्त्रीत व उच्च पदस्थ अधिकारीत विमानस्थल थ्यंकूगु खः ।
