प्राविधिक समितिया म्याद स्वलाःया निंतिं थप

एनेकपा (माओवादी)या लडाकूतय् रेखदेख, समायोजन व पुनःस्थापना विशेष समितिया सोमवाः च्वंगु बैठकं प्राविधिक समितिया म्याद स्वलाःया निंतिं थप याःगु दु । समितिया म्याद वंगु मंसिर १५ गते फुइवं म्याद स्वलाःया निंतिं थप याःगु खः ।

शान्ति प्रकृयाया छगू प्रमुख ज्या कथं दुगु सेना समायोजन यायेत गठन याःगु थुगु समितिलय् माओवादीया थप निम्ह दुजःत नं बैठकं थप याःगु दु । माओवादी नेतात कुलबहादुर केसी व चन्द्रप्रकाश खनालयात समितिलय् थप याःगु खः ।