पशुपतिया विवाद सर्वोच्च थ्यन
पशुपतिइ मूलभट्टया पलेसा मूल पुजारी धकाः छुं हे सरोकार मदुम्ह ब्रम्हूयात नियुक्त याःगु खँयात कयाः
सर्वोच्च अदालतय् मुद्दा लाःगु दु । स्थानीय राजभण्डारीतपाखें भाजु शिवशरण राजभण्डारी लगायतं पशुपतिइ आः नियुक्त जूम्ह मूलपुजारीया प्रवेश रोके यायेत परमादेश जारी यायेमाल धासें थ्व रिट तःगु खः । अन थौं नं भण्डारीतय् धर्ना जारी जुयाच्वंगु दुसा कन्हय् मूलपुजारी प्रवेश याकी कुन्हु ल्वापु समेत जुइफुगु खँ धाःगु दु । स्थानीय भण्डारीतय्सं पशुपतिइ न्हापा राजोपाध्यायतय्त पुजारी दयेकीगु चलन दुगुलिं आः नं उमित हे पुजारी दयेकेमाः धकाः माग यानाच्वंगु दु ।
