झिगू लाखं ज्यान बीत तयार जु : प्रचण्ड
येँ (सन्ध्या टाइम्स)/एनेकपा (माओवादी)या अध्यक्ष प्रचण्डं देशय् जनताया संघीय लोकतान्त्रिक गणतन्त्र पलिस्था यायेगु नितिं झिगू लखम्हेस्यां ज्यान पायेत नं तयार जुयाः न्ह्याः वनेमाः धयादीगु दु। माओवादीया केन्द्रीय ज्याकुथी वंगु शुक्रवाः पार्टीया नेता व कार्यकर्तातलिसे सहलह ब्याकेगु झ्वलय् वय्कलं थ्व खँ धयादीगु खः ।
झिंप्यद्धःम्ह नेपाःमितय्सं ज्यान पानाः देशय् गणतन्त्र पलिस्था जूगु खः धासें आः जनताया लोकतान्त्रिक संघीय गणतन्त्र पलिस्था यायेत झिगू लखम्हेस्यां ज्यान पायेत नं तयार जुइमाःगु बिचाः वय्कलं प्वंकादीगु खः ।
थौंकन्हय् माओवादी नेतृत्वय् च्वनाच्वंपिं नेतातय्त स्यानाः आन्दोलनयात कमजोर यायेगु षडयन्त्र जुयाच्वंगु खँ नं वय्कलं कनादिल ।
