लोडशेडिङं इन्टरनेटय् नं लिच्वः
ताःहाकःगु लोडशेडिङया कारणं नेपाल टेलिकमया नेटवर्क इन्टरनेटय् नं समस्या ब्वलंगु दु । विद्युत आपूर्ति
कटौती जुयाः अनया स्काइ सिडिएमए टेलिफोन लगायत इन्टरनेट सेवां ज्या मयाःगुलिं वीरगंजया संचार माध्यमत पीडित जूगु दु ।
इन्टरनेट नेटवर्किङय् डायल अप कनेक्ट जूसां वेबसाइट इमेल चायेकेत अप्वः ई कयाः समस्या ब्वलनाच्वंगु खँ स्थानीय संचारकर्मीतय्सं धाःगु दु । ताःहाकःगु लोडशेडिङया कारणं टेलिकमया बयाकअपं ज्या मयाःगु खँ
टेलिकमया छम्ह कर्मचारीं धाःगु दु ।
थज्याःगु समस्याया कारणं नेपाःया संचारमाध्यम लिउने लाःगु खँ नं संचारकःमितय्सं धाःगु दु । इलय् हे सूचना छ्वयेगु व कायेगु ज्या जुइ मफयाः आपालं पत्रिकात प्रभावित जुयाच्वंगु दावी उमिगु दु । अथे हे टेलिकमया पोस्टपेड व प्रिपेड मोबाइलं तकं ज्या मयाःगु खँ नं धाःगु दु ।
