नेवाः राज्यया निंतिं निगू थासय् प्रचारसभा

येँ (सन्ध्या टाइम्स)/वइगु पुस १ गते एकीकृत माओवादीं घोषणा यायेत्यंगु नेवाः स्वायत्त गणराज्य ज्याझ्वःयात ताःलाकेत माओवादीं थौं येँय् निगू थासय् प्रचार सभा याइगु जूगु दु। गौशालाय् माओवादी नेता कृष्ण बहादुर महराया मूपाहांसुइ अले धोबी चौरय् नेता देव गुरुङया मू पाहांसुइ अथे प्रचार सभा यायेत्यनागु खः धकाः माओवादीं धाःगु दु। पुस १ गतेया नेवाः राज्य घोषणा व ५, ६ व ७ गतेया नेपाल बन्दयात प्रचार यायेगु नितिं वंगु शुक्रवाःनिसें अथे प्रचारसभा याना वयाच्वंगु खः ।