प्रधानन्यायाधीश पाखें सपथ ग्रहण

राष्ट्रपति डा. रामवराण यादवं न्हूम्ह प्रधानन्याधीश अनुपराज शर्मायात आइतवाः सुथय् शितल निवासय् जूगु छगू समारोहलय् पद तथा गोपनियताया शपथ ग्रहण याकादीगु दु । संवैधानिक परिषदया सिफारिसय् राष्ट्रपति यादवं शर्मायात प्रधानन्याधीशय् नियुक्त यानादीगु खः ।

प्रधानन्याधीश मीनबहादुर रायमाझी उमेर हदया कारणं अवकाश जुयादीगुलिं शर्मायात उगु पदय् नियुक्त याःगु खः । संसदीय सुनुवाई समितिं शर्माया नां सर्वसम्मत अनुमोदन याःगु खः ।

शर्मां सपथ कायेवं न्यायक्षेत्रय् भ्रष्टाचार मुक्त दयेकेगु प्रतिबद्धता प्वंकादिल । वयेकलं छवाःया दुने न्हूगु न्यायीक रणनीति ह्येगु नं धयादिल । वयेकलं आइतवाः निसें हे कार्यभार ग्रहण यानादीगु दु ।