सवारी दुर्घटनाय् छम्ह सित

रामेछापया दोरम्बा पाखें येँ वयाच्वंगु यात्रुवाहक बसं छगः मोटरसाइकलयात ठक्कर नकूवलय् मोटरसाइकल चालक सिगु दु । दुर्घटनाय् लानाः मोटरसाइकल चालक ख्वपःया रामबहादुर जोशी सीगु खः । जोशी वसाः याकाच्वंगु ईलय् मदुगु खँ इलाका प्रहरी ज्याकू भ्वतं धाःगु दु ।

बा. २. ख. ४०५३ नम्बरया यात्रु वाहक बसं धौख्य पाखें रामेछाप वनाच्वंगु बा. ३४. प. २८७९ नम्बरया मोटरसाइकलयात ठक्कर नकूगु खः । दुर्घटनाय् मेम्हे मोटरसाइकलय् सवार जयराम बखुँछे गम्भीर घाःपाः जूगु दु । घाःपाः जुम्ह बखुँछेयात अल्का अस्पताल येँ वासः याकातःगु दु ।