राष्ट्रपति व प्रधानमन्त्री दथुइ खँल्हाबंला
राष्ट्रपति डा. रामवरण यादवं एनेकपा (माओवादीं) शुक्रवाः निसें घोषणा याःगु स्वायत्त गणराज्य घोषणा प्रति च्यूताः प्वंकादीगु दु ।
शुक्रवाः प्रधानमन्त्री माधवकुमार नेपाल नापया खँल्हाबंलाया झ्वलय् राष्ट्रपति यादवं माओवादी पाखें यानाच्वंगु स्वायत्त गणराज्य घोषणाया ज्याझ्वः दिकेत उपयुक्त निकास मालेत प्रधानमन्त्री नेपालयात इनाप यानादिल । अथेहे राष्ट्रपतिं थुकीं शान्ति प्रकृया व संविधान निर्माण यायेगु ज्यायात थाकुगु अवस्थाय् लाकीगु खःला धकाः च्यूताः प्वंदीगु खः ।
खँल्हाबंलाय् प्रधानमन्त्री नेपालं स्वंगू दलया बैठकय् व थम्हं नं माओवादीयात स्वयात्त राज्य घोषण मयायेत व सहमति मालेत याःगु इनाप माओवादीं बेवास्ता याःगु खँ धयादिल । अथेहे प्रधानमन्त्री नेपालं कांग्रेस व एमालेयात नेतातय्त अलमल यानाः माओवादीं थप मुठभेड ब्वलंकेत स्वःगु धयादिल ।
