नेवाः राज्ययात जातीय पुचःतय् प्रतिवद्धता

येँ (सन्ध्या टाइम्स)/नेवाः स्वायत्त राज्य मंकाः संघर्ष समितिया इनाप कथं नेवाः देय् दबूया ग्वसालय् कन्हय् बसन्तपुली स्वीगू नेवाः जातीय खलः पुचःतय्सं मंकाः प्रतिवद्धता प्वंकीगु जूगु दु। कन्हय् न्हिनसिया १२ बजे बसन्तपुली छगू तःधंगु ज्याझ्वः यासें उगु ज्याझ्वलय् नेवाः जातीय खलः पुचःया न्ह्यलुवातय्सं नेवाः स्वायत्त राज्य घोषणा ज्याझ्वः प्रति ऐक्यवद्धता प्वंकेत्यंगु खः। जातीय खलः पुचःतय्सं कन्हय् थःपिनि प्रतिवद्धता पत्र हे अन ब्वनाः न्यंकीगु ग्वसाः दु ।