प्रधानसेनापति भारत पाखे

नेपाली सेनाया प्रधानसेनापति छत्रमानिसंह गुरुङ छवाः न्यंकया निंतिं भारत प्रस्थान यानादीगु दु ।

भारतया थल सेनाध्यक्ष जनरल दीपक कपुरया औपचारिक ब्वनाय् भारत झायादीगु खः । प्रधानसेनापति गुरुङयात भारतीय थल सेनाया मानार्ग महारथीया पद लःल्हाइगु ज्याझ्वः दु । वइगु सोमवाः भारतया राष्ट्रपति प्रतिभा पाटीलं प्रधानसेनापति गुरुङयात मनार्थ महारथीया दर्ज्यानी चिं पाखें सम्मान याइगु ज्याझ्वः दु ।

नेपाः व भारतया सेनापतिं पदभार ग्रहण यायेधुंकाः थःगु कार्यकालय् छम्हं मेगू देय्या औपचारिक भ्रमण यानाः मानार्थ सेनापतिया उपाधि बीगु चलन दु ।

कन्हय् प्रधानसेनापति गुरुङं देहराढुनय् च्वंगु इन्डियन मेलिटरी एकेडेमीलय् जुइगु पासिङ आउटय् प्रमुख अतिथिया कथं ब्वति काइगु ज्याझ्वः दु ।