हत्याया विरोधय् वीरगञ्ज बन्द
पशुपति क्यारियर्सया कर्मचारी राजेश्वर दुवेया बिहीवाः सनिलय् जूगु हत्याया विरोधय् वीरगञ्ज ट्रान्सपोर्ट एसोसिएसनं शुक्रवाः निसें अनिश्चितकालीन वीरगञ्ज बन्दया आह्वान याःगु दु । बन्दया कारणं शुक्रवाः सुथय् निसें हे अनया शैक्षिक संस्था, कलकारखाना, यातायात, पसः दक्वं बन्द जुयाच्वंगु दु ।
हतयारायात कारवाही यायेमा:गु व सिम्ह दुवेया छेँजःयात क्षतिपूर्ति बीमा:गु माग यासें बन्दया आह्वान याःगु खः । एसोसिएसनं थःपिनिगु माग पूमवंतल्ले बन्दया ज्याझ्वः कायम हे जुइगु खँ धाःगु दु ।
दुवेया हत्याया विरोधय् वीरगञ्ज उद्योग वाणिज्य संघं नं शुक्रवाः वीरगाज बन्दया घोषणा याःगु दु । बन्दकर्तातय्सं शुक्रवाः सुथंनिसें वीरगञ्जया थीथी थासय् टायर च्याकाः विरोध प्रदर्शन यानाच्वंगु दुसाः प्रदर्शनकारीतय्सं स्वंगः सवारी साधानय् सामान्य क्षति तकं यानाब्यूगु दु । प्रदर्शनकारीतय्सं सुथंनिसें दुवेया सिम्ह सहित जिल्ला प्रशासन ज्याकू पसा्रय् धर्ना नं ब्यूगु दु ।
पशुपति क्यारियर्सय् नीदँ न्ह्यः निसें ज्या यानावयाच्वंम्ह न्यय्न्हय्दँया दुवेयात बिहीवाः सनिलय् अज्ञात पुचलं गोलीं क्येकाः स्याःगु खः । नम्बर प्लेट मदुगु मोटरसाइकलय् गयाः वःपिं स्वम्ह नकावधारीं आदर्शनागरय् च्वंगु पशुपति क्यारियर्सय् दुम्ह दुवेयात गोलीं क्येकाः विस्यूंवंगु खः ।
