कार्यदलया बैठक कन्हय् तकया निंतिं स्थगित

राजनीतिक निकासया निंतिं मंका: संकल्प प्रस्ताव तयार यायेत थौं न्हिनय् च्वने धयातःगु खुम्ह दुजः दुगु कार्यदलया बैठक कन्हय्तकया निंतिं स्थगित जूगु दु । थःथःगु पार्टीइ सहलह यायेमाःगुलिं बैठकं कन्हय् च्वनेगु कथं स्थगित या:गु खँ नेपाली कांग्रेसयापाखें कार्यदलया दुजः अर्जुननरिसंह केसीं जानकारी बियादीगु दु ।

कार्यदलया बैठकय् गतिरोध अन्त्यया निंतिं मध्यमार्ग मालेगु कुत: याइगु धासां नं मध्यमार्ग गज्याःगु जुइ धइगु नेतातय्सं स्पष्ट याःगु मदुनि । सेनापतियात थमौति यायेगु राष्ट्रपतिया पलाया सम्वन्धय् मंका: संकल्प प्रस्तावय् फुक्कसित मान्य जुइगु भाषा छ्यलेगु बिषयलय् सहमतिया कुत याइगु नेतातय्सं धाःगु दु ।