नेवाः इन्जिनीयर पुचः नीस्वन
येँ (सन्ध्या टाइम्स)/ नेवाः स्वायत्त राज्य मंकाः संघर्ष समितिं नेवाः इन्जिनीयरतय्त मुंकाः नेवाः इन्जिनीयर पुचः दयेकेत छगू ग्वसाः खलः नीस्वंगु दु। उगु ग्वसाः खलःया ग्वसालय् जूगु म्हिगःया मुँज्यां झिंन्याम्हेसिया नेवाः इन्जिनीयर पुचः नीस्वंगु दु । वीरेन्द्रमान शाक्य, आदर्शमान तुलाधर, भाइराजा मानन्धर, नहेन्द्र प्रधान, मिरा जोशी, इश्वरमान अमात्य नापं झिंन्याम्ह दुजः दुगु उगु पुचःया शुक्रवाः मुँज्या च्वनाः पदाधिकारी ल्यइगु जूगु दु। अथे हे वइगु पुस ४ गते नेवाः स्वायत्त राज्यय् इन्जिनियरतय्गु भूमिका विषयक अन्तर्क्रिया यायेगु नं खँ क्वःछिउगु दु ।
