सगरमाथाय् समलिंगी इहिपा !
येँ (सन्ध्या टाइम्स)/सगरमाथा बेस क्याम्पय् मन्त्रिपरिषद्या बैठक च्वनेगु ज्या नकतिनि क्वचाल। थ्वहे इलय् संविधानसभाया समलिंगी सभासद् भाजु सुनिलबाबु पन्तं आः सगरमाथाया तजाःगु थासय् वयाः समान लिंगी इहिपा याः वयेत नं विश्वया समलिंगी समुदाययात आह्वान यानादीगु दु ।
सभासद् पन्त व वय्कःया छुं समलिंगी पासापिं जानाः आः नकतिनि हे पूर्ण समलिंगीतय् लागिं समलिंगीपाखें हे सञ्चालित छगू ट्राभल एजेन्सी चायेकूगु दु ।
थ्वहे एजेन्सीं विश्वन्यंकंया समलिंगीतय्त विश्वया दकलय् तजाःगु च्वापुगुँइ वयाः इहिपा यासें थन हे हनिमुन न्यायेकः वा धकाः प्याकेज टुर कार्यक्रम घोषणा याःगु खः ।
