निःशुल्क योगया सछिन्हु

येँ (सन्ध्या टाइम्स)/येँ मनपा १९ व २० वडा टोल सुधार समितिया ग्वसालय् जुयाच्वंगु निःशुल्क योग ध्यान शिविरया १०० न्हुया ज्याझ्वः कंग अजिमाय् पूजा यानाः न्ह्याकल। टोल सुधार समितिया अध्यक्ष हेमरत्न बज्राचार्यया सभापतित्वय् जूगु उगु ज्याझ्वः मूपाहां लवदेव मिश्रं उलेज्या यानादीगु खः। ज्याझ्वलय् मू पाहां नापं मेमेपिं गुरुपिंत नं दोसल्लां न्ययेकाः लसकुस याःगु खः। ज्याझ्वलय् मय्जु मन्दिरा मानन्धरयात ऊँ द्वहलपा लःल्हाःगु खः। ज्याझ्वलय् दैनिक रुपं सेवा याःपिं व उकी ब्वति कयादीपिं सकसितं सम्मान याःगु खः ।