माओवादीं हिंसा अप्वयेकूगु खनालया द्वपं
नेकपा (एमाले)या अध्यक्ष झलनाथ खनालं लिप्पांगु ईलय् माओवादीं हिंसात्मक गतिविधि अप्वयेकाः च्वंगु खँ धयादीगु दु । वयेकलं माओवादीया अज्याःगु गतिविधि पाखें शान्ति प्रकृयाय् तकं लिच्वः लाःगु नं धयादिल ।
बुधवाः नेपालगञ्जय् पत्रकारत नाप खँल्हाबंला यानादिसें वयेकलं कैलालीया जंगल् पार्टी कार्यकर्तातय्त छ्वयाः जंगल कब्जा याकेगु व सल्यानय् एमालेया कार्यकर्तायात अक्रमण याःगु घटना पाखें माओवादी थप हिंस्रक जूगु पुष्टि जूगु धयादिल ।
वयेकलं माओवादीं आतकंकारी गतिविधि बन्द यायेमाःगु धयादिसें हिंसात्मक ज्या याइपिं कार्यकर्तातय्त पार्टी पाखें निस्कासन यायेत माओवादीयात इनाप यानादिल ।
अथेहे मेगू छगू प्रशंगय् रुकुमया पत्रकार टीका विष्टयात आक्रमण याःपिंत कारवाही यायेत वयेकलं सरकार नाप माग यानादिल । वयेकलं पार्टीया पाखें उगु घटनाया छानविन यायेत गृहमन्त्रीयात धायेधुंकूगु खँ कनादिल ।
