कैलाली घटना बारे छानबिन यायेत प्रधानमन्त्री तयार
एकीकृत नेकपा (माओवादी)या अध्यक्ष पुष्पकमल दाहाल 'प्रचण्डं' वंगु शुक्रवाः कैलालीया डुडेझारीलय् सुकुम्बासी व प्रहरी दथुइ ल्वापु जुयाः खुम्ह सिगु घटना बारे छानविन यायेत उच्चस्तरिय आयोग गठन यायेत प्रधानमन्त्री माधवकुमार नेपाल तयार जूगु खँ धयादीगु दु ।
मंगलवाः माओवादीया अध्यक्ष प्रचण्ड व प्रधानमन्त्री नेपाल दथुइ कैलाली घटना व समग्र राजनीतिक गतिरोधया बारे खँल्हाबंला जूगु खः । खँल्हाबंलाय् प्रधानमन्त्रीं छानबिन आयोग गठन यायेत तयार जूगु खँ माओवादी अध्यक्षं कनादिल ।
अथेहे खँल्हाबंलाय् उगु घटनाय् सुरक्षाकर्मीतय्सं बल छ्यलाः घाःपाः जूपिंत वासः याकेगु, सिपिनिगु छेँजःयात क्षतिपूर्ति बूगु व सुकुम्बासी समस्याया समाधनया सम्बन्धय् केन्द्रीत नं प्रचण्डं पत्रकारतय्त कनादिल ।
प्रधानमन्त्री नेपालं धाःसाः पत्रकारत नाप माओवादी अध्यक्षं सहमतिया निंतिं हिम्मत यानादीसाः सहमति जुइगु धयादिल । वयेकलं माओवादीं राष्ट्रिय व अन्तराष्ट्रिय परिस्थिति थुइकाः सहमतिलय् वयेमाःगु नं धयादिल ।
