'कैलाली घटनाया दोषीयात कारवाही या:'

एनेकपा (माओवादीं) कैलाली घटनाया दोषीयात तत्काल कारवाही यायेत सरकार नाप माग याःगु दु ।

मंगलवाः पार्टी मुख्यालय पेरिस डाँडाय् च्वंगु स्थायी समितिया बैठकं घटनाया बारे छानवीन आयोग गठन, सिपिंत सहिद घोषणा, पीडित छेँजःयात क्षतिपूर्ति बीत व घाःपाः जूपिंत वासः याकेत सरकार नाप माग याःगु दु । अथेहे बैठकं उगु घटनाया दोषी गृहमन्त्री भीम रावल जूगु निर्णय नं याःगु दु ।

वंगु शुक्रवाः कैलालीया डुडेझारी वन अतिक्रमण याःगु धासें सुरक्षाकर्मीतय्सं सुकुम्बासीतय्त अनं चीकेत बल छ्यःगु ईलय् सुरक्षाकर्मी व सुकुम्बासी दथुइ ल्वापू जूगु खः । ल्वापूइ प्यम्ह सुकुम्बासी व छम्ह सुरक्षाकर्मी सीगु खः ।