माओवादीं अर्थ मन्त्रालय घेरे यात

येँ (सन्ध्या टाइम्स)/ नागरिक सर्वोच्चता, राष्ट्रिय स्वाधिनता नापं थःपिनि नेतृत्वय् संयुक्त राष्ट्रिय सरकार दयेकेगु माग यासें आन्दोलन यानाच्वंगु माओवादीया थीथी जनवर्गीय संगठन नापं थीथी मोर्चातपाखें ज्याझ्वः यायेगु झ्वलय् थौं माओवादीया सहयोगी संगठन वाईसीएलया ग्वसालय् ल्याय्म्हतय्सं अर्थ मन्त्रालय घेराउ याःगु दु। अर्थ मन्त्रालय सिंहदरवार दुने जूगुलिं थौं सुथय् १० बजेनिसें सिंहदरवारया दक्षिण गेटय् धर्ना च्वनाच्वंगु दु। अथे हे थौं देय्न्यंकंया अर्थ मन्त्रालयनाप सम्बन्धित सरकारी कार्यालय व विभागय् नं घेराउ यायेगु ज्याझ्वः तयातःगु दु ।

अथे हे थौं उगु घेराउ ज्याझ्वः क्वचायेधुंकाः बबरमहल लागां मोटरसाइकल र्‍याली पिकयाः येँ, यल व ख्वप चाःहिउगु खः ।