खुलाः दुने संविधान निर्माण अपरिहार्य : राष्ट्रपित
राष्ट्रपति डा. रामवरण यादवं लोकतान्त्रिक गणतन्त्र संस्थागत यायेत निर्धारित ईया दुने हे संविधान निर्माण अपरिहार्य जूगु खँ धयादीगु दु ।
मंगलवाः येँ मानव अधिकार राष्ट्रिय महाभेलाया उल्लेज्या यानादिसें वयेकलं संविधान निर्माणया निंतिं खुलाः जक ल्यं दनिगुलिं थुकी पाखे राजनीतिक दलया ध्यानाकर्षण याकादिल । वयेकलं संघीय लोकतान्त्रिक गणतन्त्र संस्थगत यायेत निर्धारित ई दुने हे न्हूगु संविधान निर्माण व शान्ति प्रकृया क्वचायेके अपरिहार्य जूगु धयादिल ।
राष्ट्रपति यादवं निगूगु जन आन्दोलनं राष्ट्रिय विविधतायात एकताय् परिणत यायेत, दक्वं कथंया विविधतायात समावेश यायेत व हिंसा रहित समाज निर्माण यायेगु उदेश्य काःगु खँ न्ह्यथंनादिसें उकीयात पूवंकेत दक्वसिनं कुतः याये आवश्यक जूगु धयादिल ।
खुइछक्वःगु अन्तर्राष्ट्रिय मानव अधिकार दिवसया लसताय् ग्वसाःग्वःगु उगु महाभेलाय् राष्ट्रपति यादवं मानव अधिकारया सिद्धान्त न्हिया न्हिथंया जीवनय् लागू जुइ मफुगु धयादिसें थुकीयात व्यवहारय् रुपान्तरण यायेत अपील यानादिल ।
