पुस १ या घोषणा लित कायेत इनाप
येँ (सन्ध्या टाइम्स)/नेवाः स्वायत्त राज्य मंकाः संघर्ष समितिं थौं माओवादी ज्याकुथी डेलिगेशन वनाः माओवादीपाखें घोषणा यानातःगु पुस १ गतेया नेवाः स्वायत्त राज्य घोषणाया ज्याझ्वः लित कायेत इनाप यायेत्यंगु दु। नेवाः स्वायत्त राज्य मंकाः संघर्ष समितिं वइगु पुस ११ गते सकल नेवाःतय्गु भावना कथं नेवाः स्वायत्त राज्य घोषणा यायेगु ज्याझ्वः दयेके धुंकूगुलिं माओवादीं पुस १ गतेया ज्याझ्वः लित कयाः पुस ११ गतेया ज्याझ्वःयात हे मान्यता बीत इनाप याइगु खँ सीदुगु दु। थथे जुल धाःसा नेवाःतय् दथुइ नेवाः राज्य गबलय् घोषणा जुइ धइगु भ्रम चिला वनीगु खँ नं समितिं स्पष्ट याइ धाःगु दु ।
माओवादीं डेलिगेशन वयेत म्हिगःया ई बिउगु खःसां म्हिगः बन्द जुयाः वने मफुगुलिं आः मेगु ई कयाः डेलिगेशन वनीगु ग्वसाः दु ।
