जनजातिया बन्द छन्हु जक
येँ (सन्ध्या टाइम्स)/आदिवासी जनजाति वृहत् मोर्चां थ्वहे वइगु पुस १३ व १४ गते निन्हुयंकं यायेगु धकाः घोषणा यानातःगु नेपाल बन्द ज्याझ्वः लित कयाः आः थ्वहे वइगु पुस १७ गते छन्हु जक बन्द याइगु जूगु दु ।
थौं सुथय् च्वंगु मोर्चाया संघर्ष समितिया बैठकं पुस १४ गते गुरुङतय्गु तःधंगु ल्होछार पर्व लाःगुलिं निन्हुया बन्द लित कयाः पुस १७ गते छन्हु जक बन्द यायेगु खँ क्वःछिउगु खः। मोर्चापाखें क्वःछिनातःगु मेमेगु संघर्षया ज्याझ्वः धाःसा गथे खः अथे हे जुइगु खँ नं धाःगु दु। मोर्चां पुस १६ गते मसाल जुलुस पिकायेगु ज्याझ्वः नं तयातःगु दु ।
