परिषद्या दँ मुँज्या
येँ (सन्ध्या टाइम्स)/ नेपालभाषा परिषद्या खुक्वःगु दँमुँज्या क्वचाल। परिषद्या हे ज्याकू येँया चित्तधर मार्गय् जूगु उगु मुँज्याय् न्वकु सुवर्ण शाक्यं लसकुस यानादीगु खःसा सल्लाहकार नापं अक्षय कोषया दाता लक्ष्मीदास मानन्धर मू पाहां कथं झाःगु खः। नेपालभाषा आकादेमिया चान्सलर सत्यमोहन जोशीं नं ब्वति कयादीगु उगु मुँज्या नायः फणिन्द्ररत्न बज्राचार्यया सभापतित्वय् जूगु खः। ज्याझ्वलय् छ्याञ्जे अष्टमुनि गुभाजुं वार्षिक प्रतिवेदन, दांभरी डा. केशरीलक्ष्मी मानन्धरं आर्थिक प्रतिवेदन अले विधान संशोधनया नितिं मंगला कारंजितं प्रस्ताव न्ह्यब्वयादीगु खः ।
