जातीय पुचः उत्साहित
यल (सन्ध्या टाइम्स)/नेवाः स्वायत्त राज्य घोषणा ज्याझ्वःयात कयाः ज्यापु समाज यलं शनिवाः छगू ज्याझ्वः यात। रामकाजी अवालेया सभापतित्वय् न्ह्याःगु उगु ज्याझ्वलय् मू पाहां कथं नेवाः स्वायत्त राज्य संघर्ष समितिया दुजः मल्ल के. सुन्दरं न्ववानादीगु खः ।
अथे हे शनिवाः हे कपाली समाजया ग्वसालय् नं नेवाः स्वायत्त राज्य घोषणाया बारे छगू सहलह ज्याझ्वः न्ह्याकल। कपाली समाजया नायः शंकर दर्शनधारीया सभापतित्वय् जूगु उगु ज्याझ्वलय् मू पाहां कथं नेवाः देय् दबूया नायः नरेश ताम्रकारं न्ववानादीगु खः। नेपाली कांग्रेसया वीरेन्द्रभक्त श्रेष्ठ व नेकपा (एमाले)या राजेन्द्र श्रेष्ठया नं उपस्थिति दुगु उगु ज्याझ्वलय् नेवाःत दक्व छधी जूसा जक नेवाः स्वायत्त राज्य घोषणा सफल जुइगु बिचाः वक्तातय्सं प्वंकादीगु खः ।
