पशुपतिया मूलपुजारी सु जुइमाः ?
देय्या हे आराध्यदेव धकाः परिचित पशुपतिनाथया मूल पुजारी आवंलि नेपाली नागरिक हे जुइगु जूगु दु ।
मल्लकालंनिसें तयेगु शुरु जूपिं भारतीय मूलया पुजारीतय्सं राजीनामा बीवं अन आः नेपाःया हे पुजारीत तयेगु व्यवस्था सरकारं याःगु खः । थुकियात लसकुस यायेमाः । पशुपतियात नेपाःया तःधंम्ह द्यःया रुपय् कायेगु याः । अज्याःम्ह द्यःया मूल पुजारी हे भारतीय जुयाच्वंगुलिं उकी नेपाली जनतां दुःख तायेकाच्वंगु खः ।
भारतीय पुजारीयात चीकाः उकिया थासय् नेपाली पुजारी तयेगु गुगु ज्या जुल उकीं नं जनतायात लय्तायेगु
लय्तायेके धाःसा मफुनि । छाय्धाःसां मल्ल जुजुपिनि पालय् पशुपतिइ भारतीय पुजारी हयाः पुजा याकेगु चलन न्ह्यः अन पुजा याईपं पुजारीत नेवाः ब्रम्हूत लानाच्वन । उकिया ऐतिहासिक दसि नापं दनि । उकिं सरकारं पशुपतिइ भारतीय पुजारीत चीकाः हानं पुलांगु हे परम्परा कायम यायेगु खःसा अन भारतीय पुजारी
वये न्ह्यः गुमिसं पुजा साचालन याना वयाच्वंगु खः उमित हे थुकिया जिम्मा बीमाःगु खनेदु । नेवाः ब्रम्हूत नेपाली जक मखु थुकिया आधिकारिक पुजारी नं खः । बरु उमित नियुक्त यायेबलय् न्हापा न्हापा उमिगु पालय् गज्याःगु चलन जुयाच्वंगु खः उकी धाःसा सुधार यायेमाःगु आवश्यक जुइ । छाय्धाःसां पशुपतिइ छाये हइगु बहुमुल्य ज्वलंया अधिकार सुयात दइ धइगु खँय् ताः ई न्ह्यवंनिसें विवाद जुयाच्वंगु दु । मूलभट्टं
थ्व ज्वलं फुक्क थम्हं तुं यंकीगु खः । थुकियात पारदर्शी यायेमाः । पारदर्शी जक मखु उकियात सामाजिक शैक्षिक ज्याय् छ्यलेगु व्यवस्था समेत जुइमाः । न्हू वइम्ह पुजारीं थ्व सम्पूर्ण खँ माने यायेमाः ।
More Stories Like this
छाय् जुइ थपाय्जिगु अपराध? जनतायात सास्ती जुइगु विरोध मजिल उपप्रमपाखें भारतय् याःवंगु ब्रिफिंग अपराध व राजनीति आः नापनापं हे माओवादी सहमतिया थीथी पक्ष
