सभामुख पाखें प्रमुख दलया नेतात नाप सहलह
संविधान निर्माण व संसदया गतिरोध ज्यंकेगु विषयलय् सभामुख सुवास नेम्वाङं सोमवाः प्रमुख दलया नेतात नाप सहलह यानादीगु दु ।
संविधानसभा स्थित सभामुख नेम्वाङया कार्यकक्षय् जूगु बैठकय् प्रधानमन्त्री माधवकुमार नेपाल, एनेकपा (माओवादी)या अध्यक्ष पुष्पकमल दाहाल 'प्रचण्ड', कांग्रेस संसदीय दलया नेता रामचन्द्र पौडेल, स्वंगूलिं दलया प्रमुख सचेतक लगायत नेताय् उपस्थिति दुगु खः ।
बैठकय् सभामुख नेम्वाङ राजनीतिक सहमति कायम यायेत नेतातय् इनाप यानादीगु खः । वयेकलं संविधान निर्माण यायेगु ई सतिना वनाच्वंगु पाखे नेतातय् ध्यानाकर्षण यानादिसें उकी पाखे गम्भीर जुइत नं नेतातय्त इनाप यानादिल ।
माओवादीया अध्यक्ष प्रचण्डं थौं हे जुइगु स्वंगू दलया बैठकय् सभामुखं ल्ह्वंगु मुद्दाया बारे सहलह जुइगु कनादिल । वयेकलं संविधान निर्माण यायेगु ज्याय् माओवादी प्रतिबद्ध दुगु नं कनादिल ।
नागरिक सर्वोच्चताया माग यासें माओवादीं सतक व सदनं आन्दोलन यानाच्वंगु कारणं निरन्तर सदन अवरुद्ध जुयावाच्वंगु दु । माओवादीं बजेट पारित यायेगु निंतिं स्वन्हु संसद चायेके ब्यूसां वयां लिपाः बैठक च्वनेमफुनी ।
