कैलाली घटनाया निकास प्याकेजय् : माओवादी

एकीकृत नेकपा (माओवादी)या पदाधिकारतय् बैठकं कैलाली घटनाया निकास प्याकेजय् मालेमाःगु निष्कर्ष पिकाःगु दु ।

सोमवाः पार्टी ज्याकू पेरिसडाँडाय् जूगु बैठकं अज्याःगु निर्णय याःगु व कैलाली घटनाया समाधानया उपाय दुथ्याःगु प्रस्ताव प्रधानमन्त्रीयात आइतवाः हे लःल्हाये धुंकूगु खँ माओवादी उपाध्यक्ष नारायणकाजी श्रेष्ठ 'प्रकाशं' कनादिल

उगु प्रस्तावय् घटनाया तत्काल छानविन यानाः दोषीयात कारवाही यायेमा:गु, सिपिंत सहिद घोषणा, घाःपाः जूपिंत वासः याकेगु व पीडितया राहात बीमाःगु खँ दुथ्याःगु खँ नेता प्रकाशं कनादिल ।

बैठकय् आइतवाः प्रधानमन्त्री माधवकुमार नेपाल व माओवादी अध्यक्ष दथुइ जूगु सहलहया बारे समिक्षा नं याःगु खः ।