बस दुर्घटनाय् सभासद् नापं झिंन्याम्ह घाःपाः

कपिलवस्तुया बनबासाय् सोमवाः जूगु बस दुर्घटनाय् लानाः छम्ह सभासद् नापं झिंन्याम्ह यात्रुत घाःपाः जूगु दु । दाङं येँया निंतिं वयाच्वंगु ना. ३. ख. १८६४ नम्बरया यात्रुवहाक बस पूर्व-पश्चिम राजमार्ग अन्तर्गत कपिलवस्तुया बनबासाय् अनियन्त्रित जुया दुर्घटनाग्रस्त जूगु खः ।

दुर्घटनाय् दाङया सभासद् शान्ता चौधरी नापं यात्रुत जुगनी चौधरी व बलदेव गम्भीर घाःपाः जूगु दु । घाःपाः जुयादीम्ह सभासद् चौघरी नेकपा (एमाले) पाखें सभासद् जुयादीम्ह खः । घाःपाः जूपिं च्याम्हेसित वासः याकेत बुटवल यंकूगु दुसाः ल्यंदुपिंत न्हय्म्हेसित स्थानीय मेडिकल वासः याकातःगु खँ इलाका प्रहरी ज्याकू चन्द्रौटां धाःगु दु ।