प्रधानमन्त्री व माओवादी अध्यक्ष दथुइ खँल्हाबंला

प्रधानमन्त्री माधवकुमार नेपाल व एनेकपा (माओवादी) अध्यक्ष पुष्पकमल दाहाल 'प्रचण्ड' दथुइ आइतवाः सनिलय् कैलाली जूगु घटना बारे खँल्हाबंला जूगु दु ।

माओवादी अध्यक्षया न्हू बजारय् च्वंगु छेँय् जूगु खँल्हाबंलाय् कैलालीया घटना पाखें पाठ कयाः लिपाःया न्हिलय् अज्याःगु घटना जुइमबीगु बारे खँल्हाबंला जूगु खः । निम्ह नेतात दथुइ मुख्यतः वर्तमान द्वन्द्व गुकथं न्युनिकरण यायेगु धइगु विषयलय् केन्द्रीत जूगु खः ।

बैठकय् गृहमन्त्री भीम रावल, अर्थमन्त्री सुरेन्द्र पाण्डे व माओवादी उपाध्यक्षत मोहन वैद्य 'किरण', नारायणकाजी श्रेष्ठ 'प्रकाश'या नं उपस्थिति दुगु खः ।

थुकीया बारे थप सहलह यायेत सोमवाः स्वंगू दलया बैठक च्वनीगु जूगु दु ।