गृहमन्त्रीया हे निर्देशनय् हत्या : भट्टराई
एनेकपा (माओवादीं) कैलाली घटनाया दोषीयात गृहमन्त्री भीम रावलं कारवाही यायेगु प्रतिबद्धता मक्यंगु प्रति कडा आपत्ति प्वंकूगु दु ।
माओवादीया उपाध्यक्ष डा. बाबुराम भट्टराईं आइतवाः विज्ञप्ति पिथनाः सरकारं दोषीयात कारवाही यायेगु प्रतिबद्धता मक्यंसें माओवादीयात हे द्वपं ब्यूगु प्रति आपत्ति प्वंकूगु दु । वयेकलं विज्ञप्तिइ डुडेझारीया नरसंहार गृहमन्त्रीया हे निर्देशनय् जूगु खँ गृहमन्त्रीया हे म्हुतुं प्रस्ट जूगु खँ न्ह्यथंनादीगु दु । विज्ञप्तिइ गृहमन्त्रीपाखें माओवादीयात हे उगु घटनाया जिम्मेवार क्यनाः सरकारं संवेदनहीनता, निर्दयीता व घच्यापुसे च्वंगु हिटलरी शैली क्यंगु खँ न्ह्यथनादीगु दु ।
अथेहे विज्ञप्तिइ माओवादीया आन्दोलनय् प्रहरीं हस्तेक्षप या:गु द्वपं ब्यूगु दु । शान्तिपूर्ण रुपं सतकय् आन्दोलनयापिंत प्रहरीं आक्रमण यानाः दर्जनौ आन्दोलनकारीतय्त घाःपाः याःगु खँ न्ह्यथंनातःगु दु । नापं विज्ञप्तिइ प्रहरी हिरासतय् दुपिं दक्वं बन्दीतय्त तत्काल रिहा यायेत नं प्रशासन समक्ष इनाप याःगु दु ।
वयेकलं आन्दोलनय् जनसमर्थन व जनसहभागिता पाखें सरकार पुनः जनता पाखें पूर्णत अस्वीकृ व तिरस्कृत जुवंगु दाबी यानादीगु दु ।
