बन्दं जनजाति आन्दोलन प्रभावित
येँ (सन्ध्या टाइम्स)/ माओवादीं थौं नेपाल बन्द याःगुलिं आदिवासी जनजातिया आन्दोलन नं प्रभावित जूगु दु। आत्मनिर्णय, जातीय स्वशासन नापं स्वायत्तताया माग यानाः आन्दोलन घोषणा याःगु आदिवासी जनजाति वृहत् मोर्चा, नेपाःया आन्दोलन कथं थौं देय्न्यकं यायेगु धयातःगु विरोधसभाय् लिच्वः लात। माओवादीं थौं बन्द याःगुलिं थःपिनि घोषित ज्याझ्वः याये मफुगु खँ कँसें आः उगु विरोधसभा मेगु हे इलय् यायेगु जानकारी मोर्चाया छ्याञ्जे डा. कृष्ण बहादुर भट्टचनं बियादीगु दु ।
थ्व हे झ्वलय् मोर्चां थौं सुथय् वालुवाटार वनाः प्रधानमन्त्री माधव नेपालयात थःपिनि माग व थनिंनिसें न्ह्याइगु आन्दोलन सम्बन्धी जानकारी बिउगु दु ।
