तराईलय् भ्रान्ति न्यंकीपिं होशियार
संयुक्त जनतान्त्रिक तराई मुक्ति मोर्चाया वार्ता पुचःया संयोजक संजयकुमार गुप्ता (कौटिल्यं) क्रान्तिया नामय् तराईलय् आपराधिक गतिविधि याईपंत 'ठीक' यायेगु ख्याच्वः बिउगु दु । म्हिगः वीरगंजय् मधेश मिडिया मिसनं याःगु पत्रकार सम्मेलनय् न्ववासें वय्कलं सशस्त्र संघर्ष यानाच्वंगु पुचःतय्त पूर्ण राजनीतिक धारय् हयेमाःगु हाथ्या दु धयादिल ।
संयोजक कौटिल्यं धयादिल, 'जिमिगु राष्ट्रियता नेपाः मखु तराई खः ।'
कौटिल्यं थःपिं सौखं मखु मानवाधिकारया ग्यारेन्टी व मानवताया सेवा यायेत ल्वाभः ल्ह्वनागु खः धकाः नं स्पष्ट यानादिल ।
वय्कलं सुनां गुलि अप्वः हत्या याइ वयात उलि हे तःधंगु पार्टी धायेगु प्रवृत्ति अन्त यायेमाः धासें यदि आपराधिक प्रवृत्तिइ वनाच्वंपिंसं अपराध मदिकल धाःसा सरकारलिसे वार्ता भंग यानाः उमित निं सिधयेकेगु ख्याच्वः नं बियादिल ।
