तेजबहादुरया हुलाक टिकट

येँ (सन्ध्या टाइम्स)/सूचना तथा संचार मन्त्री शकर पोखरेलं म्हिगः कलाकार तेजबहादुर चित्रकारया हुलाक टिकटय् न्हापांगु दिंया चिं तयादिल। कलाकार चित्रकार व वय्कःया कृति 'पुर्वजया लुमन्ति' विषयया निताजि हुलाक टिकट पिकाःगु खः। निगुलिं टिकटया मू ५-५ तका खः। सन् १८९८ य् बूम्ह कलाकार चित्रकारयात नेपालय् आधुनिक कला दुतहःपिं निम्हप्यम्ह कलाकारत मध्ये छम्ह कथं नालातःगु दु। वय्कः सन् १९७१ य् मदुगु खः ।