बौद्ध सम्मेलनय् सिरपाः लःल्हाइगु
येँ (सन्ध्या टाइम्स)/वइगु पुस २ व ३ गते धर्मोदय सभाया ग्वसालय् लुम्बिनीइ जुइगु राष्ट्रिय बौद्ध सम्मेलनय् पाल्पाया तिलकमान गुभाजुयात धर्मोदय धम्म सिरपाः लःल्हाइगु जूगु दु। दकलय् बांलाक ज्या याःम्ह धर्मोदय सभाया दुजः कथं वय्कःयात उगु सिरपाः लःल्हाये त्यंगु खः। सम्मेलनय् देवेन्द्र शाक्यं लुम्बिनी विकास व धर्माचरण विषयस ज्यापौ न्ह्यब्वयादी। सम्मेलन ताःलाकेत २१ गू उप समिति दयेकूगु दु। लक्ष्मीदास मानन्धरया संयोजकत्वय् समन्वय उप समिति, रत्नमान शाक्य - आर्थिक, सुवर्ण शाक्य - गोष्ठी, इन्द्र बहादुर गुरुङ - घोषणापत्र तयारी, पद्म ज्योति - अतिथि सत्कार, द्रब्यमान सिंह तुलाधर - पुजा नापं धर्म देशना, सुचिमान शाक्य - प्रकाशन, पुष्पराजन शाक्य - मञ्च व्यवस्थापन, व नानिमैंया मानन्धर - दर्ता समिति नीस्वंगु खः।
