दिल्ली व सिंगापुर वनाः माओवादीया सरकार वइमखु : ओली
नेकपा (एमाले)या प्रभावशाली नेता केपी शर्मा ओलीं माओवादीयात संसदय् बहुमत कयाः सरकारया नेतृत्व यायेत हाथ्या बियादीगु दु ।
सिन्धुपाल्चोकया जलविरेय् शनिवाः जूगु एमालेया सभाय् न्ववानादिसें वयेकलं माओवादी पाखे लक्षित यानादिसें दिल्ली व सिंगापुर वनाः सरकार मदइगु धयादिल । वयेकलं माओवादीं न्ह्याक्वः हे सतकय् च्वनाः सरकारया नेतृत्व याइगु दाबी याःसां छुं मजुइगु दाबी यानादिल । वयेकलं माओवादीं जनयुद्ध पाखें सत्ता कब्जा यायेमफइगु खनाः आः एमालेया हे लँपू पाखे वःगु नं दाबी यानदिल ।
अधिकांश ई माओवादीया विरोध यायेत ई फुकादिम्ह ओलीं माओवादी थःगु सत्रु मखुगु धयादिसें लँ तनाच्वंपिं किजाः केँ थें जूगु धयादिल । वयेकलं माओवादीं वाइसीएलया नांमय् युवातय्त अपराधिक ज्या यायेत स्यनाच्वंगु द्वपं बियादिल । अथेहे वयेकलं माओवादीं युवातय्त क्रान्तिया म्ये स्यानाः नेतात धाःसा हिरोनी नाप प्याँख ल्हुया जुयाच्वंगु धयादिल ।
