दलत नाप सहलह यायेत पौडेलया संयोजकत्वय् कार्यदल गठन

नेपाली कांग्रेसं वर्तमान राजनीतिक गतिरोध ज्यंकेगु निंतिं दलत नाप सहलह व परामर्श यायेत पार्टी उपसभापति नापं संसदीय दलया नेता रामचन्द्र पौडेलया संयोजकत्वय् न्हय्म्ह दुजः दुगु कार्यदल गठन याःगु दु ।

पौडेलया संयाजकत्वय् गठन जूगु कार्यदलयात थीथी राजनीतिक दलत नाप सहलह यानाः देशय् खनेदुगु राजनीतिक समस्याया समाधान यायेगु जिम्मेवारी ब्यूगु दु । कार्यदलय् पार्टी महामन्त्री विमलेन्द्र निधि, सहमहामन्त्री अर्जुननरसिंह केसी, नेतात डा. रामशरण महत, महेश आचार्य, कृष्ण सिटौला व आमोदप्रसाद उपाध्याय दुजः कथं च्वनादीगु दु ।