विद्यार्थीतपाखें थौं दिपाः

येँ (सन्ध्या टाइम्स)/त्रिविपाखें अप्वयेकूगु शुल्कया बारे परिषदया बैठक च्वनाः निर्णय यायेगु बचं बीवं विद्यार्थीतय्सं थौंया आन्दोलन लितकाःगु दु। झिंस्वंगू विद्यार्थी संगठनं त्रिविं अप्वयेकूगु शुल्क लित कायेमाःगु माग यानाः आन्दोलन याना वयाच्वंगु खः। आन्दोलनकारी विद्यार्थीतय्सं म्हिगः त्रिविया उपकुलपति प्रा.डा. माधवराज शर्मा, शिक्षाध्यक्ष सूर्यलाल अमात्य व रजिष्ट्रार भीमराज अधिकारीयात त्रिविया केन्द्रीय ज्याकुथिइ हे कुनातःगु खःसा त्रिविं परिषदया बैठकया निंतिं ई फ्वनेवं विद्यार्थीतय्सं थौंया आन्दोलन लित काःगु खः ।