शान्ति प्रकृया स्यंकेत गणराज्य घोषणा : देउवा
नेपाली कांग्रेसया वरिष्ठ नेता शेरबहादुर देउवां माओवादीं स्वयात्त गणराज्यया घोषणा यानाः शान्ति प्रकृया व संविधान निर्माण यायेगु ज्या स्यंकेत स्वःगु द्वपं बियादीगु दु ।
शुक्रवाः विरगञ्जय् कांग्रेस पर्साया ज्याकू भवनया शिलन्यास यानादिसें वयेकलं संविधान सभाया कार्यक्षेत्र पिने वनाः माओवादीं गणराज्य घोषणा यायेत्यंगु धयादिसें थंज्याःगु ज्याझ्व: अन्तिम संविधानया भावना विपरित जूगु धयादिल । वयेकलं संविधानसभां हे देशय् गज्याःगु व गुलि गणराज्या दयेकीगु खँ क्वःछिइगु धयादिल ।
देउवां माओवादी सरकारं पिहांवनेवं हे देशय् अशान्ति ब्वलंकेगु ज्या न्ह्याकूगु व माओवादीं सत्ता प्रप्तिया आन्दोलन यानाच्वंगु द्वपं नं बियादिल ।
वयेकलं नेपाली कांग्रेस व कांग्रेस प्रजातान्त्रिक दथुइ एकता जुइ धुंकूसां स्थानिय स्तरय् कार्यकर्तात छप्पँ जुइमफुगुलिं कांग्रेस संविधानसभाय् बुइमाःगु धयादिल । वयेकलं कार्यकर्ताय्त छप्पँ जुयाः न्ह्याः वनेत नं इनाप यानादिल ।
