सप्ततारा वज्राचार्य मन्त
येँ (सन्ध्या टाइम्स)/नेपाःया बौद्धतय् राष्ट्रिय संगठन धर्मोदय सभाया धर्मानुशासक व वज्राचार्य संरक्षण गुथिया विशेष सल्लाहकार नापं दथुपुई आचार्य गुथिया संस्कृति तथा संरक्षण समितिया पदेन दुजः सत्वतारा बज्र वज्राचार्य ९१ दँया वैंसय् थौं सुथय् मन्त। मदुम्ह सत्वतारा बज्र वज्राचार्य रत्नकीर्ति महाविहार मखंबहाःया चक्रेश्वर आजु नं खः। वय्कःयात वंगु मंसीर ६ गते तिनि स्वक्वःगु ज्याःजंक्व याःगु खः। मदुम्ह वज्राचार्यया सीम्ह २४ घौ तक विशेष पूजा यायेत बागबजारया थःगु हे छेँय् तयातःगु दु। कन्हय् मदुम्ह थनया कर्णदीपय् वज्राचार्यया अन्तिम संस्कार याइ ।
